سؤاااااااااااااال للجميع

ايـــــــــــــــــــــــه حلمـــــــــــــــك

السلام عليــــكم جميعــــــا .................

ســـــــــــــــؤال بسيـــــــــــــــــط .......... ياترى ايه حلــــــــــــــــم كل واحـــــــــــــــد فيكم بعد التخرج بازن الله حتى لو كـــــــــان حـــــــــــــــــلم ؟؟!!!!!

ياريت كل واحد يشارك ويقول حلمه في المستقبل او حتي عايز تشوف كليتك ازاي في المستقبل او نفسك في ايه؟

موضوع جامد
و انا حلمى انى اخلص و اشتغل فى شركة بترول بالذات
سواء فى مصر او برا مصر
رغم انى افضل برا اكتر علشان اشوف ناس اكتر و ثقافة جديدة

شكرا علي مشاركتك
وربنا يوفقك ان شاء الله وتحقق حلمك

حلو اوي فكرة الموضوع
انا حلمي هو كبير شوية
بس اهو مجرد حلم ....امل
واتمني انه يتحقق طبعا

بصي ياستي انا عايزة اتخرج واشتغل وابقي الجينرل مانجير للاب كبير اوي في الشرق الاوسط ونطلع مركبات وحاجات كتير جدا تفيد الصناعات في الشرق الاوسط وخاصة بلدنا ونشتغل في جميع مناحي الكيميا ويبقي من نجاح لنجاح

بس يا ستار انتي مقولتيش حلمك يعني مع انك خلاص حتتخرجي السنة دي
قوليلي ناوية تكملي دبلومات وكدة ولا حتكتفي بالبكالوريوس

انا ان شاء الله حعمل دبلومه كيمياء حيويه وانا عندي مكان افتح فيه معمل ونفسي المشروع ده ينجح بس حلمي الاكبر اني اشتغل في شركه بس انا حاطه حلم مؤقت احققه عقبال ما اشتغل في شركه وزي ما انتم عارفين الشغل في الشركات صعب ومحتاج وسايط كبييييييييره قوي وربنا يسهل بس انتم عارفين ان في دورات في الكليه عن معامل التحاليل بس انا مش عارفه مواعيدها لوحد يعرف ويقدر يفيدني يقول

انتي ممكن تروحي تسألي وتشوفي ايه نظامها
وربنا يوفقك وتحققي هدفك

شكرا لردك انا سالت قبل كده في طريق الحريه عشان الاعلان هناك بس محدش بيفيد خصوصا في طريق الحريه محدش يعرف حاجه
بس حلمك جااااااااامد قوي حلو الامل ده ربنا معاكي بس لو حققتيه متنسيش صحابك في المنتدي

بصي يا ستار انا عندي حلم بس حاطه تحت خانه المستحيل
حلمي كالتالي نفسي اكبر و اقدر يكون عندي شركه ادويه خاصه بعماله مصريع فقط لا غير من غير اي تدخل اجنبي و يكون عائدها كله للخير و الادويه تباع للمستشفيات الحكوميه ببالش علشان انزل سعر الدوا و يا عيني بقه لو ينفع اخليهم ميستوردوش اي ادويه من بره و نعمل اكتفاء ذاتي من الدواء اهو يبقي شيلنا حاجه احنا بسببها بنتذل من كل الدول لاني لما اقولك مصل شلل الاطفال بنستورده من بره يبقي عندك اي تعليق ؟؟؟

حلمك حلو قوي وربنا يوفقك بس انت مقلتش حلمك الي حتحققه او ناوي عليه قريب اول ما تخلص كليه علي طول

هوه اقرب للواقع يا ستار ان شاء الله انا والدي كده مظبطني شغلانه في مكتب استشاري في القاهره في واحد من مكتبين مشهورين قوي يعني " علاقات بقه " يعني المكتب اللي بيدرس العينات اللي بتبعتها شركات الهندسه و المقاولات و يديهم النواتج مش مجالي يعني انما لو شركه يبقي اخر تمام بصراحه

اه ه ه ه ه ه ه ه ه ه ه اقول كده بقي...........
واسطه يعني مظبط كل حاجه
علي العموم ربنا يوفقك

ana ba2a 7elmy gamed gedan nefsy at5arag bta2deer mootaz ....wnefsy akamel drasty fe ai 7eta abroad b3eed 3ne hyna

أقول بس محدش يتريق ؟!

أنا نفسي أشتغل في ناسا

بص يا ستى انا حلمى بجد مستحيل يتحقق هو الحلم عبارة عن إنى أعمل مدينة متكاملة الخدمات فيها كل حاجة ممكن تحتاجها بس هى طبعا حتحتاج مكان كبير وفلوس كتير حيبقى فيها خطوط مواصلات لربطها بالمدن ويا ريت تتعمل فى مصر لو المدينة دى أتعملت حنبقى من الأخر دولة مستقلة عن غيرها بس قول يا رب

حلمى هو ألا أحلم ؛ حتى لايسقط الحلم وأسقط معه